| 4-1-2009 
阿嫲真真正正離開我地所有人身邊 但係因呢個機會再相聚
只可惜有好多小人出現 令到大家出醜 miss her forever  |
| |
| 12:15 阿嫲離開左我地..
雖然真係好唔捨得 但呢個結果係對阿嫲最好..
慶幸既係我趕到見佢最後一面
雖然佢一直都冇醒過 但我知佢個心係醒嫁
佢心入面一定知我地係幾咁關心佢
我認為阿嫲佢應該冇野係唔放心
因為佢捱左幾日都係想見多次佢最唔放心果個女
冇見咁多年 不斷擔心佢
係佢人生最後一段時間都掛住自己個女
好彩 , 姑姐佢肯出黎
阿嫲見左佢 過左冇耐就走左喇
我希望我自己都要生性 唔可以只係講完就算
同埋要珍惜自己所擁有既野
|
| |
| 好後悔 好後悔 好後悔呢幾年冇同阿嫲影相
以後想扲返出黎睇既相都只係維持係我細個既果段時間
人都係好衰嫁 有既時候就唔珍惜以為遲d都仲有機會
但係到左就黎冇既時候就埋怨自己點解唔一早就珍惜 其實第一日係醫院醫生就講明阿嫲已經係冇得再救 叫我地有心理準備
只係我唔願意接受現實 將佢既說話解釋做另一個意思
相信阿嫲一定可以會好返 可以返屋企
我就可以繼續買野俾佢食 乙水 佢開心 同佢傾計
但係今日唔到我去唔接受 因為阿嫲肺積水已經好嚴重
器官又有好多問題 連心臟都就黎泵唔到血
我好驚冇lala電話會響 因為唔知係邊到打黎
我好想阿嫲仲係身體健康 仲好有中氣 去喝住我地唔准呢樣唔准果樣
我好想阿嫲睇到我結婚 睇到我生bb
我好想繼續孝順阿嫲
我請願我一世都唔長大 我都唔想阿嫲經歷病同埋死呀
我知阿嫲係呢段時間係好辛苦咁捱緊 醫生都有理由唔幫阿嫲急救
但係我 我真係真係好唔捨得佢離開我身邊 阿嫲 對唔住 我唔應該到最後先識後悔
|
| |
| 哭了 ... 真的嚇怕了
放學收到阿嫲入院既電話 一收線就開始喊
因為阿嫲始終年紀大, 身體又唔好
每一次入院都好驚 好驚佢會走...
趕到醫院
醫生話佢心臟機能好差 佢只會俾葯阿嫲
如果情況嚴重佢都唔會再搶救 因為佢身體冇可能會突然好返
希望佢自然咁走 唔好再捱落去
我每次見到阿嫲 只要佢叫得出我叫咩名
識同我傾下計 就算係答我兩句野 我都覺得開心
我好鐘意 乙水 到阿嫲係咁卡卡笑
我依家好想阿嫲可以好返出到院
我真係好想好想再同佢傾計 乙水 佢開心
我自問自己都唔係一個乖子孫, 因為我冇成日去探佢
但係我去探阿嫲唔係為左搏D咩野 係因為佢係我親人
你地呢班所謂既仔女 你地諗過佢係你地阿媽黎嫁!!!??
你個仔補習好緊要咩??? 呢次可能係最後一次見呀
你同佢講冇事 叫佢唔使黎?! 返去補習?!
冇野呀嗎
如果話分身家我相信你班人會即刻去醫院囉
我係呢幾年先真正睇到親人既定義 就係唔熟唔食
我相信呢個世界有報應 就算好人冇好報 衰人都會有報應
你咁對你既親人 你老左你兩個仔都會咁對你
你兩個仔可能依家仲細 唔知你做左D咩
但係佢地再過幾年就知道咩係岩咩係錯
你地呢家人根本唔配做我既親人
我一世都會記得嫁 |
| |
